Shillong, Naitung 7: Ha ka sngi Saitjain ka kali kaba don ia u number ML05 R 9896 kala noh sha riat bad ha kane ka jingjia lai ngut ki briew kila mynsaw bad la pynkit noh ia ki sha Hospital ban ioh jingsumar.
Haba kren ha u SP News Agency u MLA jong ka Baghmara u Samuel M Sangma, u la iathuh ba katei ka kali ka dei ka jong u bad ha kane ka jingjia ba sngewsih lai ngut kila mynsaw kyntup ia ka khun jong u bad mynta ki don ha pdeng ka jingsumar.
Ki lad khubor ki iathuh ba kane ka jingnoh sha riat kane ka kali ka dei ha surok jong ka South Garo Hills District, ki ar ngut kiba mynsaw ki dei kiba ia don lang ha kane ka kali ha ka por ba ka kali ka noh sha riat.
