Shillong, Iaiong 10: Ki shipai BSF kiba don ha South Garo Hills District ha ka miet sngi Saitjian kila khang kdong ia ki nongkhaii beain kiba thmu ban rung sha Bangladesh, ha ka jingdum ki nongkhaii beain kila kawang da ki maw bad u wei na ki shipai BSF la mynsaw.
Ha kane ka jingia khun pyrshah ia ki nongkhaii beain ki BSF kila beh kthong ia ki hynrei ha ka jingdum jong ki miet kine ki nongkhaii beain kiba dei ki nong India kila ioh ban phet na katei ka jaka, kine ki nongkhaii ki pyrshang ban pynrung sha Bangladesh ia ki kutikura.
Na ka liang jong ki shipai BSF wat la kila shah kawang maw nongka liang jong ki BSF kila kiar ban pyndon kam da ka bor pyrshah ia ki nongkhaii beain hynrei kila lah ban khanglad ia ka jingkhaii beain.
Ki BSF wat hapdeng kane ka jingeh kaba ki shah kawang maw ki khlem kynran dien kila ia khun pyrshah ia kane ka jignkhaii beain bad kila lah ban khang ia ki nongkhaii beain ha khappud bad ka Bangladesh.
