Shillong, Iaiong 03: Ha ka miet jong ka 02/4/2025 ban iada na ka jingmynsaw ki pulit CRPF kiba don ban ap pahara ha Iew Mendipathar ha jan jong ka dukan Pushpa Cloth Store kila hap ban sait ia ka kawei ka kali kaba la pynher sted bad ha kane ka jingsiat u wei na kiba don ha kali la mynsaw bad la rah sha hopistal ban shah sumar.
Katkum ka kyrwoh kaba la phah mynta ka sngi sha ki lat pathai khubor la ong ba ha ka miet 02/04/2025 por kumba 11.30 baje mynmiet katba ki BSF ki dang ap pahara ha Iew Mendipathar kawei ka kali rong lieh kaba don ia u number AS-01-AM-7750 kala pynher sted bad kala pyrshang ban iuh ia ki pulit CRPF kiba dang shong Pushpa Cloth Store.
Haba iohi ia kane ka jingleh kila mareh ban lait na ka jingmynsaw bad katba ki dang pyrshang ban tur sha ka jaka ka kali nongniah la iaid kynsan bad pyrshang ban tynrah katba ki dang ia leh ban phet ban lait na ka jingmynsaw.
Haba ia ioh ia kane ka jingleh wei na ki pulit CRPF ba don lang haba iohi ia kane ka jingleh kynsha kila suba ba dei ki riew sniew namar kam sangeh wat la kila pyrshang ban pynsangeh kumta ban iada ia lade wei na ki pulit CRPF la siat naka suloi AK Rifle bad haba la pyrhang ban plie ia ka jingkhang kali nongniah u la iaid kynsan.
Haba iohi ia kane ka jingleh ki CRPF kila siat biang bad ha kane ka jingsiat la dei ia u wei na kiba ia shong lang ha jan u nongniah bad u ne ba mynsaw na syngkai bad la tip kum u Neobirth R Marak 28 snem ka rta na ka shnong Darenchi kaba hap hapoh jong ka Resubelpara Police Station North Garo Hills District.
Ki pulit CRPF kila ioh ban bat ia u nongniah kane ka kali u bala tip kyrteng kum u Sengrim K Sagma ia ki baroh ar ngut la rah sha Mendiptahar PHC ban ioh ia ka jingsumar, ia u Neobirth R Marak bala mynsaw baroh ar liang na syngkai la phah sha ki jaka jingsumar kiba kham bha.
Na ka liang jong ki pulit CRPF haba kila khynra ia kali la shem ba bun ki bilor Beer bad bilor kyiaid ha ka jingbuaid nongniah um lah shuh ban teh lakam, haba ki doktor kila leh ia ka eksamin ia u Sengrim K. Sangma buaid bad kum juh ruh u Neobirth naka liang jong ki pulit kila register ia ka ekjahar ban leh ia kaba don kam katkum ka ain.
