Shillong, Rymphang 05: Ka um kaba wan lyngba jong ka PHE sha ki top um ha ki jaka kiba hap hapoh jong ka Shillong Muncipal mynta ar sngi lynter kala jngut sui sui ha kaba ki paibah kim nud shuh ban pdiang ia ka um wat tang ban sait tiar ha iing ha snem.
Ka jinghngut sui sui ka um kaba wan lyngba ka PHE kaba la jaboh palat ka long ha ka sngi thohdieng bad mynta ka sngi saitjan ha kine ki ar sngi ka um kala long kaba jngut shisha bad na ka liang jong u SP News Agency u la sakhi ha kawei na ki dong ha kane ka nongbah Shillong ia ka jingjngut ka um.
Lah ban pynkynmaw ban a ka liang jong ki PHE kala pyntip paidbah ba kan pyniaid noh ia ka um na ki pipe um kiba dang shu dep ban shna thymmai, kumta ka um kaba ki paidbah kin ioh kan nym long kaba sngur bad kane ka jia ha sngi Balang bad Palei, katba ha ka sngi Thohdieng bad sngi Saitjain kala jngut pynban.
Bun na na ki paidbah kila pynpaw ia ka jingeh lada kane ka um kaba ka PHE ka sam sha ki paidbah kn long kaba jngut bun na ki long iing ki hap ban thied ia ka um namar ka um ba pynpoi lyngba ka PHE kim lah shuh ban pyndon kam.
