Shillong, Lber 28: Mynta ka sngi da ki bun spah tylli ki kali kila ienglain ha 7th Mer Upper Shillong ba kwah ban rung sha nongbah Shillong, da ka jingthmu ban wan thied jingthied.
Na ka liang jong ki pulit kiba la don ha katei ka jaka kila peit ba tang kito kiba la ioh ia ka Pass ki shah ia ki kali ban kiew sha Shillong, ia kiba khlem ioh pass kila pynphai noh na katei ka jaka.
Kiba bun na ki kali kiba wan ki dei ki kali ba mut wan kit marbam na Shillong bad ia kine ki kali la ai pass da ki Deputy Commissioner, ki BDO bad ki SDO la shah ia ki ba kin ieng ha katei ka jaka bad ban pynlait pat ha ka por ba kin rung sha sor ban wan kit ia ki marbam.
Kane ka jingieng ki kali ban wan kit marbam kal long ruh ha Anjelle Petrol pump namar ba ym shym ban rung kali sha Iew Mawlong, ki hap ban ap ia ka pali pali jong ki ban ioh rung.
