Shillong, Nohprah 02: U Director ka tnad ka koit ka khiah u Dr Aman War mynta ka sngi u la pyntip ba ki don ar n
gut ki briew kiba la khlad na kane ka jingpang COVID-19 ha ka jylla.
Ki kyrteng jong ki ba khlad ki long u bah Pyrkhat Dkhar 55 snem ka rta na Jowai, u Mani Bhadra Chakma na Tripura uba la khlad ha NEIGRHIMS. Da ka jingkhlad jong kine ki ar ngut baroh kiba khlad kila kot sha ka 114 ngut.
U Director u la pyntip ruh ba mynta ka sngi baroh kiba la test COVID-19 positive ha ka jylla ki long 79 ngut, East Khasi Hills 53, West GaroHills 23, East Jaintia Hills 1, Ri Bhoi 1, West Jaintia Hills 1, kiba dang shitom mynta baroh ki long 686 ngut.
La iathuh ba kiba la ioh ia ka jingkoit mynta ka sngi ki long 60 ngut, East Khasi Hills 40, West Garo Hills 8, South garo Hills 5, South West Garo Hills 3, East Garo Hills 1, Ri Bhoi , baroh kiba la koit ki long 11154 ngut haduh mynta.
