Shillong, Jylliew 25: Da ka jinglong phikir jong ki pulit jong ka jylla Meghalaya mynta ka sngi kila ioh ban bat ia kawei ka kali Bolero kaba don ia u number AS-19E-0671 bad haba la talasi la ioh ban kurup ia u drok heroin bala shongdor T.30 lak tyngka.
Ki pulit ka East Jaintia Hills District kila kem ia ki lain gut ki briew kiba don ha katei ka kali bad ia ka kali ruh la kurup da ki pulit , na kane ka kali la ioh ruh ban kurup iaki kot ki sla kiba don jingtip kiba bun rukom, na ka liang jong ki pulit kila dang bteng ia ka jingtohkit.
Kane ka jingphah pyntur ia ki briew ban pynpoi drok ha kane ka jylla Meghalaya ka long ka jinghiar thma kaba sherkhei ia kane ka jylla wat ha pdeng ka jingshah kem kiba man ka sngi ka jingwan ki briew kiba wan ban pynpoi ia u drok sha kane ka jylla kala dang jur, na ka liang jong ki pulit ki kyntu ia ki paidbah ban ia trei lang ban ia khun pyrshah ia kane ka jingialeh pyrsah ia u drok.
