Shillong, Risaw 04: Ka tnad ka koit ka khiah mynta ka sngi kala pyntip ba ki don 112 ngut ki briew kiba la test COVID-19 positive, kiba la test bun eh dei na East Khasi Hills District 63 ngut, na West Khasi Hills 34 ngut, kiba dang shitom mynta ba roh ki don 1494 ngut.
Kiba la koit na kane ka jingpang mynta ka sngi ki don 164 ngut, kiba la koit bun eh dei na East Khasi Hills 73 ngut, na West Khasi Hills 60 ngut, kiba la koit baroh mynta ki don 78957 ngut haduh mynta ka sngi.
Ka tnad ka koit ka khiah kala pyntip ba kiba la khlad na kane ka jingpang mynta ka sngi don wei bad ba khlad dei ba khlem pat ai Tika, ba khlad dei na Ri Bhoi District, kiba khlad na kane ka jingpang ha ka jylla haduh mynta kila kot sha ka 1408 ngut.
