Shillong, Risaw 08: Ka tnad ka koit ka khiah mynta ka sngi kala pyntip kiba la test COVID-19 positive ki don 3 ngut, na Ri Bhoi 1, West Garo Hills 2 ngut , kiba dang shitom baroh na kane ka jingpang ki don 28 ngut.
La ai jingkhien ruh kiba la ioh ia ka jingkoit na kane ka jingpang mynta ka sngi ki don 5 ngut, na kiba dang shitom 28 ngut kiba don ha ki hospital ban shah sumar na kane ka jingpang ki long 3 ngut.
Katkum ka jingkhein kaba la buh ryntih da ka tnad ka koit ka khiah kiba la test COVID-19 positive baroh ki long 96719 ngut, kiba la ioh ia ka jingkoit na kane ka jingpang ki don 95069 ngut bad kiba khlad baroh ki long 1622 ngut.
