Shillong, Naitung 27: Ka tnad ka koit ka khiah mynta ka sngi kala pyntip ba kiba la test COVID-19 positive ki long 710 ngut, kiba bun eh kiba la ioh ia kane ka jingshitom mynta ka sngi ki long na Easty Khasi Hills 330 ngut, West Garo Hills 109 ngut, kiba dang shitom baroh ki long 5332 ngut.
La iathuh ba kiba la ioh ia ka jingkoit mynta ka sngi na kane ka jingpang ki long 453 ngut, kiba bun eh kiba la ioh ia ka jingkoit ki long na East Khasi Hills District 200 ngut, na West Garo Hills 90 ngut, kiba la koit baroh haduh mynta ki long 56101 ngut.
Ka tnad ka koit ka khiah kala ai iathuh ba mynta ka sngi kiba khlad na kane ka jingpang ki long 9 ngut, na East Khasi Hills 5 ngut, Ri Bhoi 2, West Garo Hills 1, West Khasi Hills 1, kiba khlad baroh haduh mynta ki long 1040 ngut.
Na ka liang jong ka ophis jong ka Deputy Commissioner jong ka East Khasi Hills District la ong ba kiba la test COVID-19 mynta ka sngi ki long haduh 330 ngut bad na kine kiba khlem pat ai Tika ki long haduh 77%. La bthah ia ki paidbah ban nym mih klumar khlem da don kam.
