Shillong, Nohprah 22: U Director ka tnad ka koit ka khiah u Dr Aman War mynta ka sngi u la pyntip ba baroh kiba la test COVID-19 positive 41 ngut, East Khasi Hills 37, West Garo Hills 2, Ri Bhoi 1, West Khasi Hills 1, baroh ki dang shitom na kane ka jingpang ki long 430 ngut.
La pyntip ruh ba kiba la ioh ia ka jingkoit mynta ka sngi na kane ka jingpang ki long 43 ngut, West Jaintia Hills 26, East Khasi Hills 7, East Garo Hills 5, Ri Bhoi 2, North Garo Hills 1, West Garo Hills 1, West Khasi Hills 1, kiba la koit haduh mynta ha kane ka jylla ki long 12735 ngut.
Na ka liang jong ka tnad ka koit ka khiah ka dang dang buh ia ki jaka test paidbah ha kane ka nongbah Shillong ban lap ia ki briew kiba don ia kane ka jingpang COVID-19 ban tehlakam ia ka jingsaphriang kane ka jingpang.
