Shillong, Jylliew 01: Ka SDO jong ka Sohra Civil Sub Division ka S. Verma, IAS kala pyntip ba ki briew jong ka sorkar kiba la don naduh ka sngi ba twa khyndew mynta ka sngi kila ioh ban sei sa ia ki ar tylli ki met kiba sah ha ka jingshah tap khyndew hapoh ka shnong Nongpriang.
Ha kane ka sngi la pynkhuid ia ki ar tylli ki met kiba la ioh sei mynta ka sngi da ki briew jong ka shnong, kane ka jingtwa khydnew ha ka 30/Jymmang/2004 bad kawei ka met la ioh ban sei ha katei ka juh ka sngi, ha ka 31/Jymmang/2024 la ioh ban sei sa kawei ka met.
Mynta ka sngi 1/Jylliew/2024 la ioh ban sei ia ki ar tylli ki met kiba sah bad ha kane ka sngi la pyndep ia ka jingleh niam leh rukom ban pynkhuid ia ki met kiba sah ha pdeng ka jingiam briew na ka liang jong ka shnong ka thaw.
Ha kane ka sngi u bah Kyrmen Shylla myntri ba dei peit ia ka tnad Revenue bad Disaster Management u la leit sha katei ka shnong ban ia kynduh ia kiba ha iing ha sem ban sngewlem ha kane ka jingjia kaba sngewsih.
Ka jingkhublei ka leit sha baroh ki briew jong ka sorkar bad jong ka shnong kiba la ai trei shitom hapdeng jong ka jingslap ha kine ki sngi ban ioh sei ia ki met kiba shah ban khyndew baroh saw tylli ia kiba la ioh ban pynkhuid mynta ka sngi.
