Shillong, Kyllalyngkot 22: Ia ka phlim “Apot” la pyni khyndiat mynta ka sngi ha State Central Library Shillong ia kaba la plie da u Director ka tnad Art and Culture u bah W Nongsiej ha ka jingiadon lang u director ka ICCR u Manish Singh jong ka sorkar pdeng.
Ha ka jingkren plie ia kane ka jingpyni ia kane ka phlim, u Bah Nongsiej u la kyntu ia ki briew kiba don ia ka sap shna phlim ba kin wan sha khmat ruh ban pynmih ia ki phlim kiba ia dei bad ki riti dustur jong ki briew kane ka jylla Meghalaya.
Ka kam jong ka tnad Art bad Culture ka long ba pynneh pynsah ia ki riti dustur, la ong ban leh ia kane ka shong ha ki paidbah ba kin pynmih ia ki phlim kiba ai dei bad ka Riti Dustur, ha ka juh ka por u la ong ba na ka liang jong ka ai jingiarap ha kaba ai dei bad kum kine ki phlim.
U Director jong ka ICCR u Manish Singh ha ka jingkren u la ong ba kan long kaba eh ha kane ka juk mynta ba ki briew kin pynmih ia kine ki phlim kiba ia dei bad ka Riti Dustur namar ba ki ia beh ban pynmih ia ki phlim ba don jingmih.
U bah Raphael Warjri ba pynmih ia kane ka phlim ula iathuh lyngkot ba ia kane ka phlim la pynwan dur ha ka khana pateng jong uTiewlarun bad bun ki bynta jong kane phlim la ring ha ki bynta jong ka thain Mawkyrwat. Ha kane ka sngi la ia don bun kiba la iapoi ban sakhi ia ka jingpyni paidbah ia kane ka phlim.
