Shillong, Iaiong 16: U Director ka tnad ka koit ka khiah u Dr Aman War mynta ka sngi u la pyntip ba mynta ka sngi la test COVID-19 positive 121 ngtu ha ka jylla baroh kawei, East Jaintia Hills 5, East Khasi Hills 80, North Garo Hills 1, Ri Bhoi 5, South West Khasi Hills 2, West Garo Hills 2, West Jaintia Hills 26, kiba dang shitom baroh ki long 565 ngut.
U Director u la pyntip ruh ba kiba la ioh ia ka jingkoit na kane ka jingpang ki long 12 ngut, East Khasi Hills 9 bad Ri Bhoi District 3, kiba la ioh ia ka jingkoit ha ka jylla baroh kawei haduh mynta ka sngi ki long 13986 ngut.
Kiba la test COVID-19 mynta ka sngi ha Shillong ki long 29 ngut dei kiba wan phai na sha bar ka jylla, 22 ngut dei kiba don ka jingiajan bad kiba don ia ka jingshitom, na ki kynhun shipai pat ki long 6 ngut bad kiwei pat na ki dong bapher bapher jong ka nongbah Shillong.
U Director u la pyntip ruh ba mynta ka sngi la khlad sa u wei ia u ba la tip kyrteng kum u bah Bron Narlong 36 snem na ka shnong Umklai jong ka Ri Bhoi District, na ka jingpang COVID-19 bad ka jingiap kala kiew mynta sha ka 152 ngut kiba khlad na kane ka jingpang ha ka jylla baroh kawei.
