Shillong, Iaiong 20: U Director ka tnad ka koit ka khiah u Dr Aman War mynta ka sngi u la pyntip kiba la test COVID-19 positive baroh ki long 137 ngut ha jylla Meghalaya, East Khasi Hills 111, East Jaintia Hills 1, Ri Bhoi 9, South West Khasi Hills 1, West Garo Hills 4, West Jaintia Hills 7, West Khasi Hills 4, baroh kiba shitom ki long 857 ngut.
Kiba la ioh ia ka jingkoit mynta ka sngi baroh ki long 34 ngut, East Khasi Hills 26, Ri Bhoi 3, West Garo Hills 3, West Jaintia Hills 2, kiba la koit baroh haduh mynta ki long 14105 ngut haduh mynta.
Na ka liang jong u Director ka tnad ka khiah mynta ka sngi u la pynlong ia ka jingkren sha ki lat pathai khubor ban pynsngewthuh sha ki paidbah ha kaba ia dei bad kane ka jingpang COVID-19 positive.
