Shillong, Rymphang 4: U Director ka tnad ka koit ka khiah u Dr. Aman War u la pyntip ba mynta ka sngi la test COVID-19 positive 20 ngut, East khasi Hills 19, South West Garo Hills 1, kiba dang shitom baroh ki long 63 ngut ha ka jylla.
La pyntip ruh ba kiba la koit mynta ka sngi na kane ka jingpang ki long 9 ngut, kine kiba la koit baroh ki dei na East khasi Hills, kiba la koit baroh haduh mynta ki long 13584 ngut.
Ki 19 ngut kiba la test COVID-19 positive ha East Khasi Hills ki long, 9 ngut dei kiba wan phah peit, 5 ngut dei kiba don jingiajan bad kiba shitom, 4 ngut dei kiba wan phai bad uwei dei na ki kynhun shipai.
