Shillong, Naitung 31: U Director ka tnad ka koit ka khiah u Dr Aman War u la iathuh ba mynta ka sngi la test COVID-19 positive 20 ngut, na kine 12 ngut ki dei na ki kynhun shipai, 1 BSF 6 ngut ki riew paidbah kine baroh ki dei na East Khasi Hill bad 1 na South Garo Hills.
Haba batai ia ki 6 ngut ki riew paidbah ba la test COVID-19 positive la iathuh ba wei na ki dei u Doktor jong ka Bethany Hospital Shillong, lai kiba trei, 1 na RP Hospital bad u wei na NEIGRIHMS hospital.
Kiba shitom haduh mynta ha ka jylla baroh kawei ki long 603 ngut, kiba la koit haduh mynta ki long 215 ngut. Kiba la test haduh mynta ka sngi ki long 36859 ngut, kiba la test Negative ki long 35569 ngut bad ki resolt kiba dang ap ki long 467 ngut. Kiba wan phai na shabar haduh mynta ki long 24198 ngut.
Ka jingdon kiba shitom kat kum ki District ki long, East Khasi Hills 506 ngut, West Khasi Hills 4, Ri Bhoi 43,West Jaintia Hills 14, East Jaintia Hills 15, West Garo Hills 15, South West Garo Hills 4, South Garo Hills 2 ngut.
U Director u la iathuh haba ia dei bad ki containment area la iathuh ba ka sorkar kala shim ia ka rai ban buh noh da ki micro containment area. La iathuh ba ka jingbteng ia ka jingwat ia kiba Don jingiajan bad kiba long positive kan dang bteng.
