Shillong, Naiwieng 06: U Director ka tnad ka koit ka khiah mynta ka sngi u la pyntip ba baroh kiba la test COVID-19 Positive mynta ka sngi ki long 86 ngut, East Garo Hills 25, East Khasi Hills 21, Ri Bhoi 13, West Garo Hills 10, East Jaintia Hills 6, West Jaintia Hills 5, South West Garo Hills 4, South Garo Hills 2 baroh kiba dang shitom ki long 984 ngut.
La pyntip ruh ba kiba la ioh ia ka jingkoit mynta ka sngi na kane ka jingpang baroh ki long 91 ngut, East Khasi Hills 70, West Garo Hills 8, West Jaintia Hills 7, East Jaintia Hills 4, East GaroHills 1, Ri Bhoi 1, kiba la pat na kane ka jingpang ha ka jylla baroh ki long 8904 ngut.
U Director u la iathuh ruh kiba bun na kiba la ioh ia kane ka jingpang ki dei kito ki briew kiba don ka jingiajan bad kiba la don ia ka jingpang COVID-19, ha East Garo Hills kiba la test COVID-19 positive mynta ka sngi 23 ngut ki dei kiba don ka jingiajan bad kiba shitom, East Khasi Hills 16, Ri Bhoi 5, West Garo Hills 8.
Ha Ri Bhoi District na ki 13 ngut kiba la test COVID-19 positive mynta ka sngi 6 ngut na ki dei ki pulit , na ka liang jong ka tnad ka koit ka khiah ia kyntu ia ki paidbah ba kin deng ia ki jingda khmut haba ki leit sha ki jaka paidbah, pyniajngai iwei na iwei bad sait kti man ka por.
