Shillong, Naitung 21: U Myntri ka koit ka khiah u bah AL Hek u la iathuh ba mynta ka sngi baroh kiba la test COVID-19 Postive ki long 21 ngut, na kine 13 ngut ha East Khasi District, 7 ha Ri Bhoi District bad 1 ha West Jaintia Hills District.
U myntri ka koit ka khiah u la iathuh ba baroh kiba shitom COVID-19 postive ha ka jylla ki long 416 ngut, East Khasi Hills 355 ngut, ki BSF 267 ngut, kiwei 74 ngut bad kiwei ki kynhun shipai ki long 14 ngut.
Ha Ri Bhoi 42 ngut, WJH District 1, West Garo Hills District 12 ngut, South West Garo Hills 1, South Garo Hills 2 ngut, East Garo Hills 1 bad North Garo Hills 1. Ki nongmuna kiba la shim ha duh mynta ka sngi ki long 28937, kiba la test Negative ki long 28167 bad ki resolt kiba dang ap ki long 280.
La iathuh ba kiba la koit haduh mynta kala kiew sha ka 70 ngut ha ka jylla baroh kawei, la iathuh ruh ba ki briew jong ka jylla kiba la wan phai haduh mynta ki long 23064 ngut.
U Symbut Myntri Rangbah u Bah Prestone Tynsong u la pynkynmaw biang ba ka sorkar kala dep ban shim ia ka rai ba ka jingkhang ia ki khyrdopha ka jylla kan long naduh ka 23th Naitung haduh ka 31th naitung 2020. Kito kiba thmu ban wan phai ki dei ban sangeh shuwa.
