Shillong, Rymphang 06: Ka Seng Khasi mynta ka sngi kala pyndep ia ka jingleit kiew sha u Lum Sohpet bneng ban pyndep ia ka jinglehniam leh rukom mynta u snem ha ryngkat ki kyndon kiba la but ryntih.
Ha kane ka sngi la pyndep ia ka niam ka rukom ha kliar lum jong u Sohpet bneng da ka duwai ka phirat na ki long san man san jong ka SEng Khasi ban pyndep ia ka niam ka rukom kaba juh pynlong man la u snem ha ka jingleit kiew pyneh ryngiew ha u ne lum kyntang.
Na ka daw jong kane ka khlam COVID-19 ia ka jingleit kiew sha u Lum kyntang la hap ban buh da ki kyndon bad kiba la lah ban leit tang kito kiba la shah khot kyrpang la leh ia kane ka long ban lait na ki jingialum briew katkum ki kyndon kiba la buh da ka sorkar ban iada na kane ka khlam.
Hapdeng ki jingbuh kyndon mynta u snem ruh ka Seng Khasi kala pyndep ia kane ka jingleit kiew sha lum kyntang ban pyndep ia ka niam ka rukom, ia ka knia ka khriam da ki long san man san jong ka seng.
