Shillong, Nailar 19: Ka seng samla Mawkhar ha jing rakhe ia ka jingiaid lynti jong kaba 25 snem, mynta ka sngi ka sngi ka 19 tarik u nailar, la pynlong kyrpang da ka jing ai jinghikai kyrpang na ka bynta ki samla bad ki kmie ki kpa, halor ka jing kynrei jong u drug bad ka jingma, ka ba ap ia kiba la ngat ha drug.
Ha kane ka sngi la wan shim bynta lang ka kong C D lyngwa kaba la long ka kongsan kaba dei ruh ka director jong ka tnad social welfare,kumjuh ruh la ioh ka jinghikai ba kyrpang sha phang jong u drugs bad ka jingma jong na u bah Truman Basaiawmoit u ba dei u psychologist jong ka MIMHANS.
Haba ai ai jingkren na ka liang ka kongsan ka la ong ba ka jing jur bad jing kynrei ka jingdih drug ka dei ka ka daw ba kum ki kmie kpa kim don ka jing kitkhlieh ia la ki khun, nang ka jur palat ka jing pep skul shiteng por ki khynnah.
Ka jing bym biang ka sumar sukher ki long kmie longkpa ka pynlong ruh ka jingshongkha khynnah khlem da sngewthuh ia ka rukom ka jinglong kmie long kpa, kane ka dei ka wei na ka daw kaba la wan rah ia ka jing kynrei ka jing pyndonkam ia u drug.
Ha kane ka sngi la ioh ruh ka jinghikai ba kyrpang ia ka daw ka jingdih drug bad ruh ka jingma ba u drug na u bah Truman Basaiawmoit u ba la ong ba ka daw jong ka jingdih drug ka dei namar ka jingbun ka jingpynbor na ki paralok, kane ka jia kynrei bha ha ki khynnah ba 14, 15 snem ka rta bad ruh ka jingia kynduh jingjynjar ha ki ing ki sem.
