Shillong, Naitung 21: Mynta ka sngi kiba la ioh ban wan phet na Bangladesh bad poi sha Dawki ki long 27 ngut, na kine 6 ngut ki dei na Meghalaya bad 11 ngut ki dei na Nepal, ia ki la pdiang ha Dawki da ki ophisar kiba ka sorkar jylla ka la buh.
Haduh mynta ki samla pule kiba la wan phet na Bangladesh sha Meghalaya lyngba ka Dawki kala kot sha ka 737 ngut ha kine ki saw sngi lynter, ka jingwan phet jong ki samla pule na Bangladesh ka dei ba ka jngiakhih kam pat jia jia.
Kane ka jingiakhih ha Bangladesh ka long ka jingpyrshah ki samla pule ia ka jingmang bhah kam kyrpang ia kiba ha iing ha sem jong kito kiba don bynta ha ka jingialeh laitluid ha u snem 1971 kaba la kot sha ka 30%.
