Shillong, Nailar 30: U Lamphang ka Iingdorbar Thaw Ain ka Jylla u Thomas Sangma u la pyntip ba ka jingtei pyndep ia ka Iingdorbar Thaw Ain ba thymmai ka Jylla ka lah ban long hapoh une u snem ba mynta.
U Lamphang u la ong ba ka jingpynkhuid ia kiba sah na ka jingkhyllem u dome bad ka jingmynjur ia ka design jong u dome ba thymmai kila dep lut mynta bad ka kam kala iaid shakhmat. ki kam kila iaid watla ki don katto katne ki jingeh ki bym lah ban kiar.
U Thomas haba bynrap halor kane u la ong, baroh ki jingjia kiba jia namar ka jingrai kyrkieh bad kam dei shuh ban buh ia kum kane ka jingjia. Kumta hapoh une u snem la dei ban pyndep noh ia ka jingtei.
U Lamphang ula ong ba ka jingpynieng ia u dome ba thymmai ruh ka la sdang bad Ka la don ka jingpynkylla hynrei kane kaba thymmai ka kham sting, bad ym kum ka design ka ba rim kaba khia haduh 3000 metrik ton hynrei mynta te ula duna ka jingkhia.
U Thomas u la iathuh ba ka project ka la mad ia ka jingkiew dor. “Na ka T.141 klur ba la mang mynshuwa, mynta ka jingmang ka la kiew sha ka T. 200 klur tyngka.
