Shillong, Naiwieng 12: Ka lehniam ha ka Hima Khyrim la pynkut mynta ka sngi da ka shad ka kmen ha Smit ia kaba la tip kum ka shad Nongkrem, ia kane ka shad la pynkut ha dien ka jinglehniam kaba la iaid naduh kine ki taiw kiba la dep.
U Pa,im Dr. Balajied Sing Syiem haba kren ha ki lat pathai khubor u la ai khublei ia ki khun ki hajar jong ka hima kiba la wan ban pynshongshit bad pynphuh pynphing ia kane ka shad ka kem kiba la wan ban ia shim bynta na kylleng ka lum khasi.
Kane ka dei ban pynneh pynsah ia ka riti dustur ka niam ka rukom kaba kila ioh pateng naduh ki long shuwa kaba ki dang pynneh pynsah haduh mynta mynne kaba ka hima ka juh pynlong man la u snem.
Mynta u snem ki nongshad mynta u snem baroh ki long 342 ngut, ki kynthei ki long 190 ngut bad ki khun syiem, ki rangbah kiba la poi sha kane ka shad ki long 152 ngut, katba dang mih ki snem ka jingpoi jong ki nongshad kila nangkiew.
Ha kane ka sngi u Lat ka jylla u Chandrashekhar H. Vijayashankar ula wan ban sakhi lang ia kane jingshad niam bad ha kane ka sngi u la pynlait paidbah ruh ia ka ain kaba ia dei bad hima ha ka jingdon lang u CEM ka KHADC u bah Pyniaid Sing Syiem, Deputy CEM bah PN Syiem.
Ha kane ka sngi u nongbishar ba rangbah jong ka High Court ka jylla Meghalaya u Justice I.P Mukerji, u Justice Hamarsan Singh Thangkhiew, kila don ruh ki MLA ki MDC kiba la wan ha kane ka sngi bad ki khlieh nongsynshar na kiwei ki hima ban ia sakhi lang ia kane ka sngi.
