Shillong, Jylliew 23: Ka seng Ri Bhoi Youth Welfare Organisation (RBYWO) kala ioh ia ka jingthoh na ka ophis jong u DC ka Ri Bhoi District ha kaba ia dei bad ka jngpyntrei kam ia ki skhim kiba wan lyngba u myntri rangbah ka jylla kaba la kot sha ka T.50 lak tyngka, la kren u bah Ban Kharnaior President.
Kane ka pisa ka long ban pyntrei kam ia ki skhim ban shna ia ki painkhana ha ki skul, ki jaka sait kti bad ha ki Aganwadi ha Ri Bhoi District kiba don 55 tylli, Katkum ka jingthoh kaba ka seng Ri Bhoi Youth Welfare Organisation (RBYWO) bala khot tender ha ka 23/Jymmang/2023, ha ka 7/Jylliew/2023 bad 4/Iaiong/2023, hynrei khlem pyni pat ba ha ki kot khubor aiu la pynmih ia kine ki jingpynbna.
Na ka liang jong ka seng ka don ka jingsuba ba ka don ei ei shalyndet ba lyngba u Deputy Commissioner jong ka Ri Bhoi namar ba 22 tylli ki kam kiba dei ban leit beit sha ki bor ba dei peit ia ki skul ki Managing Committee ne sha ki shnong ba kin ioh ban pyntrei ban shna ia ki pankhan, ki jaka sait kti, hynrei la aiti bei tang ha u wei u briew u bala tip kyrteng kum u bah Daoohipaia Chuulet.
Ka seng kam tip dei na ei bad kumno ioh ban pyntrei ia kine ki skhim, hynrei kum ka seng ka shim ba lada ki skul hi ki ioh ban pyntrei kin pyntrei kham bha bad katkum ka jingkwah jong ki, haba ai kontrak , u kontraltor haba u trei u hap ho ban iohnong.
Kaneka jingai ai kam haduh 22 tylli tang ha u wei u briew ka don ei ei sha lyndet, kum ka seng ki hap ban pynpaw ia kane sha bar khnang ba kin nym jia shuh ha dien ha bud, ka ka dawa na u myntri rangbah duh ka sorkar ki dei ban shim jingkit khlieh ba ki ba bun ba lang ki kwah ban weng noh ia u DC ba mynta na Ri Bhoi District bad ban wanrah da briew ba ban ia treilang hapoh ka dong bad ka thain.
