Shillong, Nailur 06: Ka long ka ba donkam ban sot na ki ktien shnong na kylleng ki thaiñ bad kyntoit shnong khnang ban pynriewspah ia ka ktien Khasi bad ban kdup shitylli ia baroh ki ktien ha kawei ka ktien pdeng. Nalor kita ki ktien ba la don lypa na ki kylleng ki kyntoit shnong ki don ruh ki ktien ba lah ban shna thymmai da ka ba synrop lang ar ne lai kyntien ban shna kawei ka ktien ka ba kit jingmut, ka ba thiang snah bad ka ba lyngkot katlah katiai khnang ban bit ban biang ka thoh ka tar. Kine harum la jer kum kat kum ba la pyrshang ban pynwandur ha ka ba dang dei ban tuklar da ka iktiar ba pura halor ka ktien:
Motto: ka mut kyrmit, tien phira- kyrmit ka dei ka tien sneng ba їai pyrto; tien dei ka ktien lyngkot їa ka ktien; phira dei ba sharai bad peitngor na pajih.
Mould: ka mut pakher
Mudslinging: ka mut kawang ktieh- kawang dei ba bret pashat shano re shano; ktieh dei ka khyndew ba khleh sboh um.
Multitude, Myrïad: ka mut lyngkien, byllien- lyngkien dei ba tuid bad shlei khlem sangeh; byllien dei ba bun palat liam ki briew ne kino kino ki jynthaw ha ka shijaka.
National: ka mut shityllup-ri- shityllup ka dei ba tap ne kup salonsar; ri ka dei ka ktien lyngkot jong ka ktien bri ka ba thew їa ka khyndew tynrai ha ka ba im ba sah ba trei ba ktah ki paidbynriew shilynter.
Naught, Zero: ka mut loi- loi ka dei ba suda bym don eiei.
Natural: ka mut manhi, long-mariang – man ka dei ba seilung ban mihpaw; hi ka dei da lade; long ka dei ba mih na kano kano ka ba thaw ne shna; mariang dei ka sawdong sawkun ki jynthaw ha ka pyrthei sityllup.
Noble: ka mut u kynthem u kynjai- u kynthem u kynjai ka dei ka ‘tienkaplang ka ba thew їa ki kynja riewkhraw ba donburom donakor bad heh kyrdan.
No man’s land: ka mut samraij- samraij ka dei ka bynta jong ka khyndew ba la pruid dak ban pynkhlad pud їa kawei ka nongkynti na kawei pat.
Nutrition: ka mut ka bamteimet- bamteimet dei ka jingbam ka ba tei їa ka met ka phad.
Nursery: ka mut persara- per ka dei ka ktien lyngkot їa ka kper; sara ka dei ba sumar sukher їa ki kynja jingthung jingtep.
Oath: ka mut jubanhok- juban ka dei ka ktien shisha ba la kular skhem; hok ka dei ka ba khuid ba suba ba khlem tngit khlem thok khlem shukor.
Oat: ka mut kew- kew dei u kynja sohsymbai ba bam pynkdang ki briew.
Observatory: ka mut thadlongbneng- thad dei ka ba siang shityllup; long ka dei ba mih ne man na kano kano ka ba thaw ne shna; bneng ka dei ka sahit ka ba sha kliar duh.
Obtuse: ka mut luiñ, dongluiñ- luiñ ka dei ka lympen ka bym nep; dong ka dei ka bynta ba kyndong jong kano kano ka mar.
Offering: ka mut aibhet, nohdkhot- ai ka dei ba sam na lade shawei; bhet ka dei u dkhot u lamjew ba ot lyngkhot na ka bynta ban kñia ban khriam; noh ka dei ba buh pynhap ha lor kaei kaei, dkhot dei ka doh lyngkhot ba ot na ka metbah.
Opinion: ka mut nialade, niashimet- nia ka dei ka ktien ne juban ba kren; lade ka dei ha lajong shimet, shimet ka dei ha la marwei.
Organic farming: ka mut repsbohmariang- rep ka dei ba thung ba tep; sboh ka dei ka jor kynsai ba pynplung pynmet їa ki jingthung jingtep; mariang ka dei ka sawkun jong ka pyrthei shityllup.
Order: ka mut hukum- hukum ka dei ba kynto da ka iktiar.
Ostracise: ka mut taitshnong, taitkur- tait ka dei ka tien lyngkot ba kyntait; shnong dei ka jaka sawdong pud ba shong ba sah shi kynhun bynriew; kur dei ka snap longbriew na kawei ka kpoh jong ka kmie їawbei.
Pacify: ka mut їasuk, khem umshit khem umja- їasuk ka dei ba pynjaijai na kano kano ka ba їapher jingmut ne їasun їapen; khem umshit khem umja ka dei ka tienkaplang ka ba thew ba pyrshang ban pynjaijai їa kano kano ka jingїakajia arliang mamla.
Parasite: ka mut mangkariang- mangkariang ka dei ka kynja khñiang ba long hi ha mariang ka ba ym ler kam їa ki jingthaw la ki jingthung, ki briew ne ki mrad, ka ba lah ban pynbyrsieh pynban lada ym phikir ban kiar.
Passenger: ka mut ‘riewleitlynti, riewshanglynti – riew ka dei ka ktien lyngkut ia ki briew; leit ka dei ba iaid na ka wei ka jaka sha kawei pat, shang ka dei ba makia kylleng; lynti ka dei ka thaw ba la mang ne shna khnang ba ibit ban iaid ki briew ne ki kali.
Peak Hour: ka mut porthnem– por dei kano kano ka khep ha ka sngi; thnem ka dei ba kyrsoi pynroi їa ka kamai kajih.
Pellet: ka mut shara- shara dei ki saphit bakhor ba pharait sharud na ka ba bthei haba siat tup siat man.
