Shillong, Naitung 08: U bah Jambor War Executive Member ba ei peit ia ki kam elaka haba jubab ia ka jingkylli jong u bah PN Syiem halor ka jingiakajia khappud ha pdeng ki hima la ong ba na ki 29 tylli ki hima kiba don ha pdeng ka jingiakajia, la lah ban pynbeit ha ki 6 tylli.
Kiwei kiba dang sah ki dang don ha ka jingbishar jong ka kynhun bishar bniah, na ka liang jong ka KHADC kala shim ia ki lat ki lynti baroh ban peit ba kin lah ban pyndep kloi ban pynbeit ia kane ka jingia kajia khappud hapdeng ki hima. Lada ki don ki hima kiba lah ban ia pynbeit da ka jingiasngewthuh ruh kan biang.
U bah Paul Lyngdoh haba jubab ia ka jignkylli u bah PN Syiem ha kaba ia dei bad ka jingai syrnot ban shna iing, bah Paul u la ong ba haduh mynta la don 400 tylli ki aplikoshon bad ka Khasi Hills Autonomous District Council ( Building Structure Regulatory Authority ka dang bishnar bniah.
Haba ia dei bad kito ki ba shim ram na Bank ban shna iing, la ong ba la ai ia ka jingthoh ban pynthikna ba kin sa ioh ia ka syrnot jingbit ban shna iing, ka KHADC ka pyntrei kam ia ka Meghalaya Building Laws 2021, kane kan long katba ka KHADC kam pat don ia la ka jong ka ain.
U bah Paul u la pynshai ba ia mynta ka jingbit kaba ki briew kidei ban shim na District kan long ha kito ki jaka ba hap hapoh ka jngpeit jong ka KHADC, katba ha ki jaka sorkar ki hap ban shim na ka sorkar, ha ki shnong ki thaw kiba shna iing shimala lane ki iing dieng iing phlang kinhap shim na ki rangbah shnong.
