New Delhi, Nohprah 27: Ka NITI Aayog mynta ka sngi kala pynlait paidbah ia ka kaiphot kaba saw kaba ia dei bad ka ki lat jingiada ha ka koit ka khiah ha ki jylla ha ka Ri India kaba ki jylla kila pyntrei kam.
Ha kane ka kaiphot kaba la pynmih mynta ka sngi kala kdew ba na pdeng ki jylla kiba rit, kiba la leh bha ban kiew ha kaba pynbiang ia ki jinglat jingsumar ka dei ka jylla Meghalaya bad ka jylla Mizoram, katba na ki jylla baheh dei ka Utter Pradesh, Assam bad Telagana, ki UTs, ka dei ka Delhi bad Jammu Kashmir.
Kane ka kaiphot kaba la pynlait mynta ka sngi ka dei na ka bynta jong u snem mang tyngka 2018-2019 bad 2019-2020. Ia kane ka kaiphot la pynlait paidbah mynta ka sngi da u symbut shongknor ka NITI Aayog Dr Rajiv Kumar, CEO Amitabh Kant, Additional Secretary Dr Rakesh Sarwal bad World Bank Senior Health Specialist Sheena Chhabra.
Ia ka kaiphot la pynbit pynbiang da ka NITI Aayog, da ka jingiarap lang na ka tnad ka koit ka khiah jong ka World Bank, da ka jingiamir jingmut lang bad ka tnad ka koit ka khiah jong ka sorkar pdeng. Ia kane ka kaiphot la pynlait lang da u symbut shongknor ka NITI Aayog Dr Rajiv Kumar, CEO Amitabh Kant, Additional Secretary Dr Rakesh Sarwal, bad u heh ka World Bank u Sheena Chhabra.
Ka mat jignthew kaba la buh ha kaba ia dei bad kane ka kaiphot ha kaba ia dei bad ka koit ka khiah ki don 24 tylli ki kyndon bad kine ki kyndon kiba la buh ki long ki juh hapdeng ki jylla kiba heh bad ia ki jylla kiba rit ruh.
