Shillong, Risaw 02: Ki kyrtong ban ia khun ia ka kam president hapoh ka All India Congress Committee (AICC) hapoh ka party Indian National Congress ki don ar ngut u Mallikarjun Kharge bad u Shashi Tharoor.
U Sanjay secretary ka Meghalaya Pradesh Congress Committee (MPCC) haba kren bad u SP News Agency u la iathuh ba na Meghalaya mynta ki don tang 68 ngut ki nongjied president ha ka AICC.
La iathuh ba 60 ngut ki dei kiba la shah jied na ka MPCC, katba na ka liang jong ka AICC ki don 8 ngut baroh kiba lah ban jied ia u president ha ka elekshon AICC ki don 68 ngut ha kane ka kynti kaba mynta.
Ka elekshon president AICC kan long ha ka 24 tarik mynta u bnai, ha kane ka kynti ka jylla Meghalaya kam don ia kita ki nongthep vote kiba dei jong ka Congress Legislature party kiba dei laipawa na ka jingdon ki MLA, hynrei ha kane ka kynti kaba mynta ka party kam don MLA.
