Shillong, Nailar 01: Mynta ka sngi ka party BJP kala pynlong ia ka jingiakhih ha ophis jong ka party ban dawa ba dei ban weng noh mar dor ia u Deputy Commissioner bad Superintendent ki Pulit jong ka West Garo Hills khnang ban pynioh ia ka jingtohkit kaba khuid ha kaba ia dei bad ka jingshah kem u Vice President ka party U Bernard N Marak.
U State President jong ka BJP Meghalaya State Unit u bah Ernest Mawrie la ong ba kum ka party kam kwah ban kren ei ei ia kaei kaba la don hapoh iing bishar, hynrei kaei kaba ki dawa ka long ban weng noh ia u SP bad DC ban ioh ia ka jingtohkit kaba khuid.
U President ka BJP ka Meghalaya State Unit, la ong ba kala don ruh ka jingpyndik ia ki nongkyrshan ka party BJP ha kaba ki pulit kila khot hajir bad pynshong bun kynta hynrei khlem kylli jingkylli ei ei bad la shuh wan ia ki briew jong ka party sha thanad ia kaba kimlah ban pdiang.
Halor kane ka jingleh kane ka sorkar kaba la ialam da ka NPP kaba ka BJP ruh ka don lang u President mynta ka sngi la leit ban ia kynduh ia u Lat jong ka jylla u Satya Pal Malih ban tuklar lem ia kane ban pynkynriah noh ia u DC bad SP ka West Garo Hills.
U President u la ong ba kila pan jingbit ban pynlong ia ka jingiakhih kaba jai jai ha Shillong bad Tura ban kin pynlong ha ka sngi Saitjian bala dep hynrei kim shym la ioh jingbit dei na kane ka daw ba ki hap ban pynlong ia ka jingiakhih ha ophis jong kaparty.
Haba ia dei bad ka jingkylli la ka parry BJP kane weng noh ne em na ka sorkar, u bah Marwrie u la ong ba ia kata ka rai kan shong ha ki nongialam ba hakhlieh jong ka party, kum ka party na ka jylla kila dei ban ai ia ka kaiphot.
