Naduh ba sdang ka “Lockdown” ka tnad Railway ka la pynkit 117742 kali ka umphniang

New Delhi, Iaiong 05: Ka tnad Rel kan pyntikna ban pynbiang ia ka jingshalan ia ki tiar ha kaba iadei bad ka bording, ka kit ka bah bad ki jingtei kiba kongsan ha kane ka jingkhang khyrdep namar ka jingpang COVID-19

Naduh ka 23 tarik u Lber haduh ka 3 tarik u Iaiong, ka tnad Railway ka la pynkit palat 2.5 lak kali u dewiong bad 117742 kali ka umphniang.Namar ka jingtrei shitom ka tnad Rel, baroh ki tnad pynmih bording bad ki jaka buh umphniang ki la biang ia ka stock wat hapdeng ka jingkhang khyrdep namar u COVID-19

Wat hapdeng ka jingeh namar kane ka jingkhang khyrdep, ki nongtrei ka tnad Rel ki la pyntyllun ia ka kam wat hapdeng shibun ki jingdkhoh 04 tarik u Iaiong New Delhi Ka tnad Rel ka la hab ban pyndep ia ka jingkular ban pyntikna ia ka jingdon ki mar kiba kongsan.

Kine  kynthup ia ka umphniang lyngba ki rel kiba kit ia ki mar ki mata ban pynbiang ia ka jingdonkam jong ki tnad bordding bad kumjuh ia ka jingdonkam ia ka mar ki mata na ka bynta ki jingtei kiba kongsan ha kane ka por ba ka don ka jingkhang khyrdep namar ka jingpang COVID-19.

Namar kane ka jingkhang khyrdep, ki nongtrei ka tnad Rel kiba la buh ha ki jaka ba buh ki mar ki mata, ki station rel bad ki ophis treikam (control offices) ki iai bteng ban trei da ka mynsiem kaba shitrhem ban pyntikna ba kam don ka jingkthah ha ka jingshalan ia ki mar ki mata na ka bynta ki tnad kiba kongsan.

Namar ka jingtrei shitom jong ka tnad Rel, baroh ki jaka pynmih bording bad ki depot umphniang ki biang ia ki stock wat hadieng ba ka jingkhang khyrdep namar ka jingpang COVID-19.

Ha kine ki 12 sngi kiba la leit katta naudh ka 23 tarik u Lber haduh ka 3 tarik u Iaiong, 2020, ka tnad Rel ka la pynkit 250020 kali u dewiong, bad 17742 kali ka umphniang kawei ka kali ka kit kumba  58-60 ton.

Ban khmih ba ka jingpynkit ia ki mar ki mata ka long kaba iaid beit iaid ryntih na ka bynta ki jaka pynmih bording, ka kit ka bah bad ki jingtei kiba kongsan lyngba ka tnad Indian Railways, ka emergency freight control centre ka treikam hapoh ka tnad Rel.

La khmih bniah halor ka jingiaid jong ki rel kiba pynkit ia ki mar ki mata da ki heh ophisar ka tnad Railway. Ki ishu ba ka tnad Rel ka mad jingeh ha ki jaka ban pynhap bad pynkit ia ki tiar (terminal points in loading and unloading operations) la dep ban pynbeit. Ka tnad Railway ha ryngkat bad ka tnad Kam Pohiing ka Sorkar Pdeng ki iatreilang bad ki Sorkar Jylla ban khmih ia ka jingiaid beit ka kam lada mih kano kano ka jingeh.