Shillong, Jymmang 02: Ka Chief Engineer jong ka Public Health Engineering (PHE) ka kong B M Lyndem kala pyntip paidbah ba na ka daw jong ka jignrang tyrkhong bad na kiwei kiwei ki daw ka um kaba don ha Dam um Mawphlang kala hiar.
Ka Dam um Mawphlang ka dei ka tyllong um kaba pyndap um bam umdih ia ka nongbah Shillong bad ki shnong ba marjan, ka um kaba don ha Dam um Mawphlang kala kala hiar bha.
Hynrei wat la kala don ka jinghiar jong ka um ha katei ka Dam um, hynrei ka dang lah ban pynbiang um ia ka sor Shillong lai haduh saw bnai lada ka jingrang tyngkhong ka long ha kane ka rukom.
Na ka jingduna ka um la kyntu ia ki paidbah ba kin pyndon kam ia ka um da kaba phikir bad ki dei ban don ia ka jinglang ban kunai ia ka um lada don ka lat ka lynti, ka um kam dei tang ba ka long kaba don kam ha ka jingim hynrei kaba hap ban pynneh pynsah ia ki um ki wah.
