Shillong, Nohprah 17: U S.C Sadhu Secretary ka tnad pla pisa jong ka sorkar Meghalaya u la pyntip sha baroh ki tnad ka sorkar jylla namar ka lehkmen Khristmas la bthah ba kin siew ia ka tulop jong ki nongtrei sorkar bad ia ka bai bam tynmen ha ka sngi Palei kata 21/12/2023.
Ha ka jingpynmih ia ka hukum la ong ba u Lat jong ka jylla u la ai ia ka jingbit kaba kyrpang ban pynjynsur ia ka rule 141 jong ka Meghalaya Financial Rules, 1981 ban sei ia ka pisa bad ban siew iak a tulop jong ki ophisar bad ki nongtrei, kum juh ia ka baibam tynmen na ka bynta u bnai Nohprah 2023.
Katkum kane ka jingbthah ba baroh ki tnad sorkar ki dei ban siew ia ka tulop haka 21/12/2023 kata ka sngi palei bad ia kane la ioh ruh ia ka jingmynjur na ki bor ba halor bad ia kane dei ban pyntip sha baroh kiba dei ban leh ia kaba don kam.
