Shillong, Jymmang 27: U Deputy Commissioner jong ka East Khasi Hills District u S.C Sadhu mynta ka sngi u la pynmih ia ka jingpynbna, namar ka lyer langthri “REMAL” kaban sa lynshop ia kane ka East Khasi Hills District, kumta la shai ka sngi ka 28/5/2024 la bthah ia baroh ki skul hapoh jong ka District bab khang lashai ka sngi.
Kane ka jingpynbna la pynmih katkum ka jingpynmih ka Indian Metrological Department (IMD) ba ka lyer langthari kaba la tip kum ka “REMAL” ba kan sa dong ka jingslap kaba jur bha bad la lyer kan sa lynshop ha ka 27 bad 28 tarik Jymmang 2024.
Ban lait na kano kano ka jingjia kaba sngewsih u Deputy Commissioner ka East Khasi Hills District, u la pynmih ia ka hukum ba baroh ki skul kiba hap hapoh jong ka East Khasi Hills District kin khang la shai ka sngi.
