Shillong, K.Lyngkot 11: Mynta ka sngi ki nongialam jong ka Meghalaya EMRI Workers Union kila ia kynduh ia u mytnri rangbah ka jylla u Cornad K Sangma ban ia kren ia ki jingdawa jong ka seng ha kaba ia dei bad ka jingpyniaid ia ka EMRI 108 ha kane ka jylla Meghalaya.
Ka kong Microlina Syiemlieh haba kren bad ki lat pathai khubor ha dien ba la ia kren bad u mytnri rangbah la iathuh ba u myntri rangbah u la shah skhor ka jingdawa jong ki bad u la ai ka jingkular ba un sa peit ynda u la ioh ia ka kaiphot na ka tnad ka koit ka khiah.
Na ka liang jong ka seng MERIWU haduh ba thoh ia kane ka khubor ki dang ap ia ka jingthoh na u myntri ka tnad ka koit ka khiah kaba la kular ban ai da ka jingthoh ha kaba ia dei bad ka jingia kren kaba kila ia kynduh mynta ka sngi. Naka liang ka seng kin sa shim rai da la ioh ia ka shithi na u mytnri ka tnad ka koit ka khiah.
Lah ban pynkynmaw ba ka jingiakhih jong ki nongtrei ka EMRI 108, kala sdang naduh ka 4/01/2022 bad kane ka jingsangeh trei kam kala bteng haduh mynta ka sngi bad mynta ka sngi kila ia kynduh ia u myntri rangbah bad myntri ka tnad ka koit ka khiah ban ia kren ia kane ka jingdawa.
Ha kane ka jingiakynduh ia u mytnri rangbah ka jylla bad u mytnri ka tnad ka koit ka khiah nalor ki nongtrei ka EMRI 108 la synran lang ia ki da ki khot jong ka seng HNYF ban ai mynsiem ia kane ka jingdawa jong ki nongtrei ka EMRI ha kane ka jylla baroh kawei.
