Shillong, Nailur 18: U Bah Bordling Nongsiej u la ong ba “ Nga khlem dawa ai ia nga da kaba don dohmet, ngan hun katba ai u myntri rangbah”.
Haba kren ha ki lad pathai khubor ha dien ba la dep ban pynsmai kum u myntri ka sorkar jylla, u bah Brolding Nongsiej u la ong “Nga sngewkmne ban ioh ban long myntri ban ioh ban iarap ia ka konstitwensi bad ia ka jylla hi baroh kawei”.
U la ong shuh shuh “ Ngan hun kat ia kaba u myntri rangbah u ibit ban ai ha nga ia ka kam kaba ngan bat, ngan trei shitom na ka bynta ban pynroi ia ka konstitwensi bad ia ka jylla ruh kumjuh”. La ong ruh ba ha ka jylla kaba don 60 ngut ki MLA bad ki myntri sorkar tang 12 ngut, ka long kaba don kam ban ia treilang.
Haba jubab ia ki jingkylli kaei ka tnad kaba u kwah ban bat, u bah Brolding Nongsiej u la ong ba “Nga khlem dawa ai ia nga da kaba don dohmet, hynrei ngan hun ia kaei kaba u myntri rangbah u ibit ia nga ban ai”.
Lah ban kdew hangne ba u bah Brolding Nongsiej u la jop ia ka MLA ilekshon la ar sien na ka 31-Mawthadraishan Konstitwensi na ka juh ka party UDP, bad dang shen kala mih haki lad pathai khubor ba u kwah ban long myntri sorkar bad mynta ka sngi kane ka jingangnud jong u MLA ka Mawthadraishan kala urlong.
