Shillong, Risaw 09: U Myntri ka sorkar pdeng u Sarbanada Sonowal haba kren ha ka jingialang kaba la long mynta ka sngi ha Umiam, Ri Bhoi District ia kaba la pynlong da ka North Eastern Institute of Ayurveda and Homeopathy halor ka phang ki lat ki lynti kumno ban pynkhlain ia ka AYUSH ha Meghalaya bad ha North East.
Haba kren ha ki lat pathai khubor ha dien ka jingialang la ong ba ka sorkar pdeng ka kwah ban kyntu ia ki paidbah kane ka thain shatie lam mih ngi jong ka Ri India ba kin shim ia ka kabu ban thung ia ki dawai kynbat, la ong haba don ka khlaw don kidawai kynbat bad haba don ki dawai kynbat don ka khlaw.
La ong ba ka Dong shatei lam mih ngi jong ka Ri India ka don ia ka lat kaba khraw bha ban thung ia ki dawai kynbat namar kane ka thain la don bun jat ia ki kynbar kiba long dawai bad ka sorkar pdeng hapoh ka jingialam jong u myntri rangbah duh jong ka Ri India la kyntiew kyrdan ia kane ka ministry sha ka kabinet.
Ka sorkar pdeng kala shim ia ka rai ba nangne sha khmat ka jingsumar ia ki briew ha baroh ki jaka sumar jong ka sorkar ka dei ban iaid lang ryngkat ryngkat ha pdeng ka jingsumar allopathic bad ka jingsumar lyngba ka AYUSH namar kine baroh ar ka phang ka long ban ai jingkoit ia ki briew.
Haba ia dei bad ka Umiam la ong ba ka jylla Meghalaya kan phah ia ka skhim sha ka sorkar pdeng bad kan sorkar pdeng kan sa ai ia ka jingmynjur ban pynbha ia katei ka jaka kaba I tynnad kaba don ha kane ka jylla Meghalaya.
Haba ia dei bad ka jaka pule kaba don ha Meghalaya ka North Eastern Institute of Ayurveda and Homeopathy (NEIAH) ia kane ka jaka pule yn sa kyntiew sha ka kyrdan pule doctor, la ong ba ki don bun ki jingeh ha kaba ia dei bad kane ka jaka hynrei ka sorkar pdeng kan pynbiang ia ki jngdon kam.
Ha kane ka sngi u myntri ka sorkar Meghalaya u bah Renikton L Tongkhar u la ia don lang ha kaba u la ai jingkren ha kane ka sngi, ha kane ka sngi la donlang u Director ka NEIAH, ka NEIGHRIHMS bad u VC ka NEHU bad ki khynnah pule ka NEIAH.
