Shillong, Jymmang 25: U Myntri Rangbah ka jylla Meghalaya u Conrad K Sangma la ong ba u la ia kren bad u myntri rangbah ka jylla Assam u Himanta Biswa Sarma ha kaba ia dei bad ka jingjia ha Malangona ha kaba ki pulit jong ka Assam kila pyndik ia ki paidbah.
Haba kren ha ki lat pathai khubor u Conrad u la ong ba ha ka jingiakren ba du mytnri rangbah ka jylla Assam na ka liang jong u myntri rangbah u la ong ba u la kren ia ki bor jong ki District khamtam ia u Superintendent ki pulit ban pynthikna ba kum kine ki jingjia kim dei ban jia.
U Conrad u la ong ba ia kaei kaei kaba jia ha ban shim ia ki lat ki lynti kumno ban pynthikna ba kan nym khih phaloh bad ban ialeh ban tem da ka jingiasngewthuh jingmut bad dei ban kynmaw ba ka jigniakren ha kaba ia dei bad kane ka kam pynbeit pud ka dang iaid mynta.
U Myntri Rangbah u Conrad u la ong ba u la ioh ia ka Bideo bad dei halor kane ba u la ong ia u mytnri rangbah ka jylla Assam ba dei ban pynshitom ia kito ki pulit jong ka jylla Assam kiba la ktah kti ia ki briew bad kum kine ki jingjia kim dei ban dang jia.
Ha ka jingshisha ki don 36 tylli ki shnong kiba la ia kynduh bad na kine 13 tylli kim don hapoh kata ka jingiakam jaka bad na kine kila don kiba la don lypa ha Meghalaya bad ki don kiba la don ha Assam, hynrei haba la pynmih ia ka kyrteng jong ki shnong ki bym don ha Meghalaya ym shym la pynrung ha ka thup.
Kitei ki shnong ki bym don ha la thup kammut ba kim don ha Meghalaya hynrei kila dep ban don lypa hapoh Meghalaya, baroh ar tylli ki jylla kila shim ia kito ki shnong kiba la dep don ym don kam shuh ban pynrung ha ka thup.
Haba ia dei bad ka jingiakren ia ki bynta kiba dang sah kin dang hap ban ia kren bad ia pynbeit ia ka por namar mynta dang ia bun kam bad khamtam ha Assam ki dang long ilekshon ia mynta kin sa ia pynbeit ia ia kane ban ia kren.
