Shillong, Jylliew 05: ka Deputy Commissioner jong ka East Khasi Hills District ka kong Matsiewdor War Nongbri kala ong ba la pynbeit ba naduh la shai kan sa iaid beit ka jingia die jhur ha Anjalee Parking Lot.
Haba kren ha u SP News Agency la iathuh ba kato ka jaka kam dei ka jaka die lang hynrei ka dei ka dei ka jaka die khutia, kaba lyngoh ka long ba ki bym dei ki nongkhaii jhur ki die jhur ia kane ka la lap ha ka pir ba la leit ban jurip ia kane ka jaka kaba la buh ban die jhur khutia.
Ha ka juh ka por ka DC kala ong ba ki paidbah ki dei ban sngewthuh ba kane ka dei ka por ba ka dang don kane ka COVID-19 ha kaba ki paidbah ki hap ban kohgnuh ia ka jingbthah jong ka sorkor lada kim kohnguh kan phah khang syndon.
Na ka liang jong ka DC kala ong ba lada kim kohgnuh te hap ban pynsangeh hynrei la lah ban pynbeit mynne bad naduh la shai ka sngi kala iaid beit namar kala batai ia ki nongreo kumno ban leh khnang ba kan nym mih kano kano ka jingwit. Ki hap hi ban but ia ki jingpyniaid.
