Shillong, Nailar 20: U president ka party NPP u Conrad K Sangma ba dei ruh u myntri rangbah ka jylla u la pynpaw ia ka jingsngew ka jong u ban iohi ba don ki nongialam Congress kiba poi sha ka kren kulat.
Haba jubab ia ki kren u nongialam ka liang pyrshah u Dr. Mukul Sangma ba la ong ba un thoh shithi sha ki nongialam jong ki seng sain pyrthei kiba don hapoh ka sorkar Meghalaya Democratic Alliance, kane ka dei ka jingkren kut lat jong u nongialam ka party Congress.
“Ha ka jingdon jong nga ha ka sain pyrthei ngan pat juh iohi ba ki liang pyrshah kin long kutlat haduh katne kumba ka long mynta hapoh ki nongialam jong ka party Congress, nga sngewsih ban iohi ia kane ka jingkren kutlat nongialam ka seng Congress” la ong u Cornad myntri rangbah ka jylla.
U Myntri Rangbah ka jylla u Cornad khlem da jer kyrteng u la ong ba kila don ki MLA na ka party Congress ba kila pynsngew ba ki sngewsih ban iohi ia ka rukom kren jong nongialam ka party Congress bad ki pynpaw ia ka jingsngewsih ban iohi sngew ia ka jingkren ki nongialam na ka party congress.
U Myntri rangbah u la ong ba ki nongialam ka congress bun sien kila khroh ia ki nongialam jong ki party kiba don ha kane ka sorkar synrop lang, kane ka jingleh ka kren shai ia ka jingkwah jong ki ban don ha ka bor.
U President ka NPP u la kyntu ia ki nongialam ka seng Congress ba kin pynleit jingmut ha ki kam pynroi ban ia kaba ki pynleit jingmut kumno ba kin wan biang ha ka bor, kan bha ban pynleit jingmut ha ki kam pynroi ban ia kaba pynleit jingmut ha ki kam aileh politik.
Haba ia dei bad ka jingkynnoh jong u bah AL Hek u myntri rangbah ka jylla u la ong ba kum u nongai buid ia u myntri rangbah ka jylla kan bha lada u kham tyngka ia ka jingkren namar ka jingweng ia u na ka kam myntri sorkar dei ka rai jong ka party BJP ban pynrung ia u bah Sanbor Shullai.
