Shillong, Naiwieng 02: U bah Eugenson Lyngdoh ha dien bala dep ban pynbna ba la jop ia ka ilekshon MLA shiteng samoi na Mawphlang Assembly konstitwensi la ong ba “Ngam da tip la nga dei u nongialehkai kynjat boll ba nyngkong ban jop MLA ba dei na ki nongialeh kai National Player.
Haba kren ha ki lat pthai khubor u la ong ba ki kam kiba u kpa jong u bah Synstar Klas Sunn dang pynsah teng kiba kongsan eh dei ki surok, kane ka jingjop un pyrshang ban pyndep ha kine ki khyndait por kiba dang sah mynta nalor kiwei kiwei de.
La ong ba kane ka jingjop ka long ba ki paidbah ki kynmaw ia kaei kaba u kpa u la leh na ka bynta jong ki, ka jingiadon lang kum ka party bad ka jingiatreilang jong baroh bad kane ka jingjop ka dei ka jingjop jong u paidbah.
Ha kane ka sngi ki nongialam jong ka party UDP kiba la wan sha jaka niew vote ban ai kmen lang ia kane ka jingjop dei u Dr. Jemino Mawthoh General Secretary jong ka party, u bah Titosstarwell Chyne President ka UDP na EKH District ba dei ruh u CEM, ka kmie jong u bad ki nongkyrshan ka party.
