Shillong, Kyllalyngkot 03: Ki pulit jong ka nongbah Shillong ha ka meit leh kmen snem thymmai kila pynlong ia ka jingpeitngor ban peit ba kan nym don kano kano ka jinghuri hura ha kane ka lehkmen snem thymmai 2023.
Ha pdeng kne ka jingleh kmen ki pulit kila ioh jingtip ba ki don ki nongkhaii drok kiba la iaid sawdong kane ka nongbah Shillong ban tyrwa ha ki khynnah samla ha kane ka por lehkmen da ka jingbud dien ki pulit la ioh ban kem ia kine ki roiew sniew.
Ha kane ka jingap ktem ki pulit kila ioh ban kem ia u Damanbha Ryngksai 26 snem, na ka met jong u ki pulit kila ioh ban kurup 28 song kiba rit, ka pisa T.6240 /- tyngka, ar tylli ki mobile phone, kane ka long katkum twitter kaba la thoh da u Director General ki Pulit ka jyla U Dr. L R Bishnoi.
