New Delhi, Jylliew 19: U Myntri Rangbah duh, Narendra Modi mynta mynta ka sngi ha ka jingrakhe ia ka World Sickle Cell Day u la ban biang ba ka sorkar jong u ka ieng skhem ban iakhun ia kane ka jingpang.
Haba kren shaphang ka National Sickle Cell Anaemia Elimination Mission, u la ong ba ki dang peit ruh ia kiwei kiwei ki bynta kum ka jingai jinghikai shaphang kane ka jingpang ba iadei bad ka snam.
U Myntri Rangbah duh u la post ha ka X: “Ha ka World Sickle Cell Day, ngi ban biang ia ka jingieng skhem jong ngi ban iakhun ia kane ka jingpang. Ha u snem ba ladep, ngi la sdang ia ka National Sickle Cell Anaemia Elimination Mission bad ngi la peit ia ki bynta kum ka jingai jinghikai, ka jingeksamin ia baroh, ka jinglap kloi, bad ka jingsumar. Ngi la pyntreikam ruh ia ka bor jong ka teknoloji ha kane ka bynta.”
