Shillong, Nohprah 11: Ka seng ki samla pule ka thain shatei lam mih ngi jong ka Ri India ka North East Student Organisation (NESO) kala buh ban niew ia kane ka sngi 11 Nohprah kum ka sngi ba dum, namar dei ha kane ka sngi ka iing dorbar bah ka Ri India ka Parliament kala pdiang ia ka Citizen (Amendment) Act ha u snem 2019 kaba la long ain mynta.
Shuwa ba ka ing dorbar bah ka Ri India kan pdiang ia kane ka CAB, ki seng bapher bapher ha kane ka thain shatei lam mih ngi kila pynlong ia ki jingiakhih ban pyrshah ia kane ka CAB, wat ha pdeng ka jingpyrshah ka sorkar pdeng kala pdiang ia kane ka CAB 11/12/2019 ,halor kane ka nongrim ba ka NESO kala niew ia kane ka sngi ka dei ka sngi kaba dum.
Mynta ka sngi ki seng mala pule habroh ka North East baroh kawei kila pynlong ia ka jingwah lam iong ha baroh ki nongbah ka thain shatei man mih ngi, ha nongbah Shillong ka seng KSU kaba dei kawei na ki dkhot ka NESO kala wah ia kila iong ha kylleng kane ka nongbah Shillong. Ryngkat ki lama iong ha ki placard thohlang ruh ia ki jingthoh.
Kato katne ki jignthoh kiba la wah ha ki placard ki long, ka sorkar India wat pynlong jaka theh niut ia ka Ri jong ngi, kam dei ban don CAA, kam dei ban don AFSPA, hooid dei ban don ka ILP, sorkar India burom ia ngi ki trai ri trai muluk da kaba pyntrei kam noh ia ka Inner Line Permit.
