Shillong, Nailar 17: U Bah Teibor Pathaw MDC jong ka Mawlai ba dei ruh u EM hapoh jong ka KHADC mynta ka sngi ula noh syniang sha ka Chief Minister Relief Fund shilak tyngka bad ia kane u la ai da ka shek ha kti jong u myntri rangbah ka jingialang ban plie ia ka surok ha Mawlai mawkynroh.
Na ka liang jong u myntri rangbah u la pdiang sngewbha ia kane ka jingnoh syniang na ka liang jong u MDC ka Mawlai na ka bynta ki lanot ha ka jylla kiba la shah ktah ha ka jingshah lynshop ha ka mariang ha kine ki bnai kiba la dep.
Ha kane ka por ba ai ia ka shek ki paidbah kiba la ia don ha katei ka por kila ia sakhi lang ha ka jingdon lang u symbut myntri rangbah ka jylla Meghalaya u Bah Prestone Tynsong bad kiwei kiwei ki heh sorkar ka jylla.
