Shillong, Naiwieng 12: Mynta ka sngi ki paidbah reiwgneit jong ka balang Katholik palat lak ngut kila ia wan na ki lai tylli ki jylla niam, Shillong Arch Diocese, jylla nima Jowai bad ka jylla niam Nongstoin ban ia shim bynta ha ka procession bah kaba juh long man la u snem ha iing mane bah Laitumkhrah.
Ha ka por mynstep kala don ka jinglehniam da ka mass ba khuid ha phyllaw jong ka iing mane bah bad ia ka jingleh niam la pyndep da u nongmih khmat u kpa bakhuid sha India u Apostolic Nuncio to India Rev. Leopoldo Girelli ha ka jingiadon lang u Rev. Archbishop Victor Lyngdoh, Rev Bishop Ferdinand Dkhar, Rev Bishop Wilbert Marwein bad u Rev Bishop Joachim Walder, ha ka jingiadon lang ki lyngdoh.
Ha ka por noh phai sngi la sdang ia ka jingiaid prosession ha ka por 1.30 baje, ha kaba ki paidbah khriat kiba lah ban iaid kila ia shim bynta ban iaid sawdong iaka Laitumkhrah, ha kaba ki paid riew ngeit kila pynlong ia ki jingduwai katba ki dang iaid da ka jingleh riew blei.
Ha ka jingren lyngkot jong u Apostolic Nuncio sha India Rev. Leopoldo Girelli shuwa ban ai ia ka jingkyrkhu na ka sacrament ba khuid, la kyntu ia ki paid riewngeit ba kin long kiba iai duwai bad ban pynskhem ha la ka jong ka jingngeit ban long ka nuksa ia kiwei.
Ia kane ka jingleh niam mynta ka sngi la pynkut da ka jingkyrkhu ia ki paid khristan da ka sakrement ba bhuid lyngba ki kti jong u Apostolic Nuncio sha Ri India u Rev. Leopolda Girelli ha ka jingiadon lang ki Bishop bad ki lyngdoh.
