Shillong, K.Lyngkot 29: Mynta ka sngi ka samla pule ka kong Barilang Pyngrope kum ka riew shimet kala pynlong ia ka jingia khot ia wer ia ki paidbah ban soi kyrteng ha Stand Jaiaw ban dawa na ka sorkar ban wanrah noh ia ka jingkylla ha ka mang bhah kam kaba la iaid mynta 50 snem.
Ka samla Barilang haba kren ha ki lat pathai khubor la ong ba kane ka jigndawa kam dei ba ka pyrshah ia ki paralok garo hynrei kala ong ba ka por kala dei ban peit bniah biang ia kane ka bynta ha ka bhah kam bad wat ha ki jingpule puthi kiba dei na ka bhah jong ka jylla.
Ha kane ka sngi ki briew na kylleng ki bynta jong ka Khasi Hills haba kila poi sha katei ka jak kila soi ha ka baner kaba la buh ha katei ka jaka bad kane ka jingsoi ki briew kala long da ki spah ngut na duh ki riew rangbah ki samla sambhoi kila ia soi kum ka jingmynjur ia kane ka jingdawa.
Ha kane ka sngi u bah Adelbert Nongrum MLA ka 17-Shillong North ruh u la poi sha kane ka jaka ba pynlong ia kane ka jingiasoi ban dawa ban pynkylla ia kane ka bhah kam bhah jam bad ban pynkynmaw u la leit ban ai da ka jingthoh sha u myntri rangbah ka jylla halor kane ka phang.
