Shillong, Lber 31: Ka MDC elekshon kaba la dep ban long sha ki ar tylli ki iing dorbar thawain ki district council, ka KHADC bad JHADC kaba la long ha u bnai Rymphang ka jinglut kala kot sha ka T.11,99,50,000/- tyngka.
Ka iing dorbar thaw ain ka jylla ha ka dorbar mang tyngka kaba la dep kala pynlait ia kane ka pisa khnang ba ka District Council Affair kan ioh ban siew noh sha kito baroh kiba la don bynta ha kaba pyniaid ia ka MDC elekshon.
Kane ka jingsiew ka kynthup, ia ki briew sorkar kiba la pyndon kam ha ka elekshon, ka jingsiew ia ka bai wai kalai, ia ki kontraktor kiba pynbiang ia ka bam, kiba shna ia ki pandal bad ia ka bai umphniang jong ki ki kali ba la pyndon kam da ki ophisar.
Ka jinglut na ka bynta ka elelshon sha ki iing dorbar jong ki District Council ia ka jingkut jingsep baroh la pynlut na ka pla pisa jong ki District ia kaba ka DC (A) ka shulong tang ka nongpyniaid ia ka elekshon.
