Shillong, Iaiong 12: Namar kala don ka jingbakla pyndait ia ki wire jong ki kot thep vote hapoh jong ka 35-Konachar Polling station kaba hap hapoh jong ka Salsella MLA konstituwensi na ka liang jong ka ophis jong u CEO Meghalaya kala pan jingbit biang na ka ECI ban pynlogn ia ka jingthep vote biang ha kane ka jaka.
Haba kren ha ki nongthoh khubor mynta ka sngi u Bah Fredric R Kharkongor, u la iathuh ba ha kane ka jaka thep vote ka don ka jingbkakla briew, ha ka jaka ban pyndait ia ki wire kor thep vote na ka bynta ka MP, kila pyniaid sha ka mashim jong ka MLA.
La iathuh ba namar ka long lang ka MP bad MLA la buh ar tylli ki mashin thep vote, ki nongthep vote ha kane ka polling station ki don 612 ngut, kiba la thep vote pat, ha kawei ka shim jong ka MP ki don 688 ngut katba ha jong ka MLA ki don 674 ngut. Haba ia dei bad kane ki dang ap ia ka jingbit na ka ECI.
La iathuh ba ha ki hynriew tylli ki polling station, hap ban iew ia ka vote na ki VVPAT, namar ki RO ki khlem pynkhuid ia ka mashin shuwa ban thep vote, kita ki long ar tylli ha Shillong Parliamentary Konstitwensi, ka Nongptyndeng ha Nongstoin bad Khliehtyrngap jong ka Khliehriat katba saw tylli pat ha Tura Parliamentary Constituency.
