Shillong, Nailur 19: Ka seng Hynñiewtrep National Youth Front ka la leit ban pan jingshai na u V R Chalam u ba long kum u Deputy Commissioner of Taxes halor ka revenue kaba ka sorkar ka ioh lum na ki nongpyniaid Tim ba ha ka jylla.
Halor kane na ka liang u bah Bless Dkhar President HNYF East Khasi Hill u la ong ba ka jubab ba ki ioh na u Commissioner kam.da long shai bha namar ba kane ka kam ka dang don ha ka courts order. U la ong ruh ba don kiba ong ba da ka Hynniewtrep la lah ban ai license.
Hynrei na ka liang jongu, u la ong ba ka seng HNYF kan nym ithuh Hynniewtrep kan nym ithuh khasi. Kita ki khasi, ki Hynñiewtrep lada ki kwah jingithuh wan iakynduh bad ka seng HNYF ban ia kren shai ia kata. Hynrei lada ki kwah ba ka seng kan ia pyni da kawei pat ka lynti, u la ong ruh ba ka seng HNYF ka kren ia ka jingmyntoi jong u paitbah.
Shuh shuh u la ong ba ka seng ka lap ha ki dukan Tim ki ba bun hi ki ba pyniaid kim dei ki khasi, u la ong ba ha kine ki briew kiba na bar ki wan ban pyntrei ki kam jongki hato kim dei ban siew Taxes.
Haba ki khasi da ki trei kino kino ki kam ki hap ban leh GST ban siew ia ka Taxes. U la ong sngew lyngngoh ba kane ka kam.ka sahkut hasuin, kita ki ba peit ki jah shaei. Haba ka dei ka kamram jongki ki la dei ban leit khynra ia ki ba leh khlem license.
